Halka halka zülfi dâm u iki hâli iki zâg

Halka halka zülfi dâm u iki hâli iki zâg

Mürg-i dil sayd itmege ben gösterüp kurmış duzâg

Eşk-i dîde cûy güller dâg gülbünler elif

Aşık olmışdur benüm gibi meger bir sebze bâg

Lutf idüp çekdün elifler sîne-i bî-kîneme

Oldı ammâ kim hasûdun cânına her biri dâg

Lâleyi hayli perîşân-hâl gördüm bâgda

Eylemiş sevdâ-yı zülfün anı muhtelü'd-dimâg

Meclis olmaz kim o şâh içün yanup yakılmaya

Iltifât idüp nola Yahyâ'yı eylerse cerâg