Gün yüzün mâhiyyet-i hüsni kemâhî gösterür

Nûr-ı Hakkı yine ol şem`-i ilâhî gösterür

Bir alay olsa güzeller hep teveccüh yâredür

Halk-ı âlem birbirine pâdişâhı gösterür

Çîn-i ebrûdan inen ragbet görünmez âşıka

Meylini uşşâka lutfile nigâhı gösterür

Ey hilâl-ebrû cemâlün hakkı bak âyîneye

Bir musaffâ nûrdur kim aks-i mâhı gösterür

Her ne denlü dilde pinhân eylese `aşk âteşin

Aşıkın sûz-ı derûnın dûd-ı âhı gösterür

Togrı yoldur maksada sapman reh-i mey-hâneden

Zâhide sorman tarîk-i hânkâhı gösterür

Menba`-ı ihsânun Yahyâ kimden eylerse su'âl

Hep şehâ ol dergeh-i devlet-penâhı gösterür

Son Yazılar