Gün gibi tulû` itdi bu şeb necm-i hidâyet

Gün gibi tulû` itdi bu şeb necm-i hidâyet

Iyd itdi şeb-i kadre irüp ehl-i velâyet

Kürsiye çıkup meclise envârını yaydı

Şeyhüm o gözüm nûrı o hurşîd-i sa`âdet

Nâkısları tekmîl nedür ehl-i kemâle

Bedrile hilâlüm benüm ol şems-i kerâmet

Bir sencileyin zerre-i nâ-çîze ne yetmez

Ol mihr-i cihân-tâb u ziyâ-güstere nisbet

Yahyâ hazer it pâyı kilîmünden uzatma

Mestâne misün sen de nedendür bu harâret