Gül gibi olmak dilerseñ şâd u hurrem ey göñül

Gül gibi olmak dilerseñ şâd u hurrem ey göñül

Lâleveş elden düşürme câmı bir dem ey göñül

Devr elinden kâse kâse yutdugum kanlardur ol

Katre katre tamlayan gözden dem-â-dem ey göñül

Devlet-i dünyâ içün hergiz ne gam-gîn ol ne şâd

Ber-karâr olmaz bilürsin hâl-i ‘ âlem ey göñül

Gülşen-i kûyında me’vâ bulsa ol hûrîveşün

İhtiyâr eyler mi bâg-ı huldi âdem ey göñül

Devr ider Bâkî-sıfat hûrşîd o mâhuñ menzilin

Aşk ser-gerdânıdur Allâhu a’ lem ey göñül