Gûy-ı gerdûna dahı urulmadan çevgân-ı `aşk

Gûy-ı gerdûna dahı urulmadan çevgân-ı `aşk

Dil ham-ı gîsûn ile olmuşdı ser-gerdân-ı `aşk

Dilde deryâ-yı mahabbet mevc-hîz olup yine

Oldı peydâ katre-i nâ-çîzde `ummân-ı `aşk

Hâtırum ol dem yapar dil-ber ki yıkmak kasd ider

Kim hakîkatde dilâ ma`mûrdur vîrân-ı `aşk

Hâk-i Mecnûndur dönen sahrâda sanman gird-bâd

Istemez bî-çâre hâlî kaldugın meydân-ı `aşk

Dilde ol tâkat mı var Yahyâ musahhar olmaya

Hükmini icrâya âgâz idicek sultân-ı `aşk