Göñül Yûsuf gibi çâh-ı zenahdânuñda kalmışdur

Göñül Yûsuf gibi çâh-ı zenahdânuñda kalmışdur

Halâs eyle benüm şâhum ki zindânuñda kalmışdur

Metâ’-ı vasluña cândan hırîdâr olmak ister dil

Hemân ey hv âce ancak şübhe hicrânuñda kalmışdur

Begüm merdümlik it kendü ciger-gûşeñ gibi besle

Yaşum tıfl-ı yetîmüñdür ki dâmânuñda kalmışdur

Benüm’çün acıyup aglar görenler zahm-ı şemşîrüñ

Baña itdüklerüñ ey hûnî hep yanuñda kalmışdur

Re’îs-i bahr-i nazm olduñ bu gün âlemde ey Bâkî

Gazel dimek senüñ tab’-ı dür-efşânuñda kalmışdur