Gözüm yaşı-y-ıla kûy-i nigârı lâle-zâr itdüm

Gözüm yaşı-y-ıla kûy-i nigârı lâle-zâr itdüm

Figân u nâleden ol lâle-zârı mürg-zâr itdüm

Gözüñ âhusınuñ şevkı-y-ile sahrâlara düşdüm

Saçuñ sevdâsı-y-ıla nâfe-veş terk-i diyâr itdüm

Kadüñ servi firâkında yaşumı cûy-bâr itdüm

Yüzüñ gülzârı yâdına gözüm ebr-i behâr itdüm

Cünûn sahrâsı içinde felekde[n] başuma yağan

Cefâ taşlarını cem‘ eyledüm seng-i mezâr itdüm

Sanemler hüsni tasvîrinde bir büt-şekl ile ‘Avnî

Göñül deyrini ser-tâ-ser kamu nakş u nigâr itdüm