Göz ucuyla âşıka geh lutf eder gâhî itâb

Göz ucuyla âşıka geh lutf eder gâhî itâb

Bir suâle yer komaz ol gamze-i hâzır cevâb

Çeşmi bezm-i fitne kurmuş işve câm almış ele

Bâde-i nâz ile etmiş gamzesin mest-i harâb

Lebleri üzre gubâr-ı hatt-ı nev hîzi değil

Nâfe-i âhû-yı çeşminden dökülmüş müşk-i nâb

Çeşm-i mesti tîg çekmiş gamzeden bir Kahramân

Ebrû-yı müşgîni bir şemşîrden hâlî kırâb

Nice tutsun tîr-i yâra sînesin Nefî nişân

Anı kor mu bir karâr üzre dil-i pür ıztırâb

Nef'î