Göz karası eşk-i gül-gûnumda hâlün sadkası

Göz karası eşk-i gül-gûnumda hâlün sadkası Eşk-i gül-gûnum gül-i ruhsâr-ı âlün sadkası

Dûd-ı âhumdan kararmış zâr ü ser-gerdân tenüm Âteşîn ruhsâr üze müşgîn hilâsün sadkası

Şevk-i vaslun yanduran nâkıs vücûdum mâh tek Zerre zerre âfitâb-ı bî-zevâlün sadkası

Âşiyân-ı tende murg-ı rûhu etmen terbiyet Olmasa pervane tek şem'-i cemâlün sadkası

Hecrüne başum fıdâ olsun ki cânum almadı Etdüm âhır müjde-i zevk-i visâlün sadkası

Yûsuf-ı güm-geşte kinıdür kim sana mânend ola Yüz ana mânend hüsn-i bî-misâlün sadkası

Afv eder hidmetde her noksânumuz pîr-i muğân Ey Fuzûlî cânumuz ehl-i kemâlim sadkası