Göstermeseydi bâdesini sâgar-ı zücâc

Göstermeseydi bâdesini sâgar-ı zücâc

Zevk itmez idi bezm-i safâdan göñül mizâc

Bî-derd olana eylemede turmadın devâ

Ol cân tabîb hastesine eylemez ‘ ilâc

Bir pâre nân-ı huşk ile ‘ ömrüñ geçerse ger

Açma bu râzı kimseye ‘ arz itme ihtiyâc

Mecnûnı gör ki komadı ‘ aşkını Leylînüñ

Nâmûs u nengi kodı vü terk itdi taht u tâc

Hayretde kaluram göricek Bâkî nergisi

Bunca zer ile ayagı gûr içre gözi aç