Görüp tâb-ı ‘izâruñ hâtırı nerm oldı Nâhîdüñ

Görüp tâb-ı ‘ izâruñ hâtırı nerm oldı Nâhîdüñ

İçüp ‘ aşkuñ şarâbın kellesi germ oldı hurşîdüñ

Şikest oldugına râzî degüldi revnak-ı ‘ işret

Anuñ’çün düşmedi bir dem elinden câm Cemşîdüñ

Peyâm-ı hançer-i ser-tîzin ol mâhuñ degürmişdür

Anuñ’çün ditrer endâmı çemende bâddan bîdüñ

Alâ’ikdan mücerred ol ser-i kûyında mesken bul

Mesîhâveş mekânı âsmândur ehl-i tecrîdüñ

Gedâ-yı kûy-ı cânâne sakın öykünme ey Bâkî

Sefâhatdür bilürsin muktezâ-yı şâha taklîdüñ