Görüp pistânların bildim kemâlin gül-bedenlikde

Turunç ammâ ki bilmem nice bitmiş yâsemenlikde

Hayâl ettim ki dîvân içre bir ber-ceste mısraʿdır

Gezerken ol kad-i bâlâya bakdım nârvenlikde

Hayâlin gelmez oldu dîde-i fersûde-müjgâna

Meger kim pây-i nâzı yârelenmiş ol dikenlikde

O verd-i ter dil-i pür-hûnu leb-rîz-i neşât anlar

Ne bilsin rûzgârın şiddetin kendi esenlikde

Şu zîbâ germesûdı sevdiğim gel al ziyân etme

Çıkar bir câme sana belki artar nîm-tenlik de

Mey ü mahbûba çokdan tevbekâr oldu Nedîm-i zâr

Niçin ammâ ki bilmem yine yâran taʿna-zenlikde

Son Yazılar