Görünmese gözüme ol perî-i her-câyî

Görünmese gözüme ol perî-i her-câyî

Karâr etdiremem cân-ı nâ-şekîbâyi

İzâr-ı yârı komuş yine rengden renge

Görür müsün hele sahbâ-yı hâlet-efzâyı

Uçurma kendini ey kebk-i bü'l-aceb-reftâr

O serv-i nâza düşer ihtizâz-ı raʿnâyî

Sipihre başı erer en kemîne bendesinin

Matâfım olsa n'ola dergeh-i felek-sâyî

Hücûm-ı nâle ile dâstân-ı Kaysı okur

Garîb hâl ile gördüm Nedîm-i şeydâyı