Görseydi benim sevdigimi bir gice Mecnûn

Leylâ içün olmaz idi ahvâli diger-gûn

Dil baglanalı silsile-i zülfine yâriñ

Dîvâneligim dem-be-dem olmakdadır efzûn

Ol zülfi perîşân göreniñ ‘aklı kalur mı

Yagmâya virür olsa dahi ‘akl-ı Felâtûn

Hasret olalı âyine-i rûyuña cânâ

Bir yerde karâr itmez efendim dil-i mahzûn

Leylâ kuluña başıñ içün rahm it efendim

Zîrâ ki iki gözi anıñ eşk ile pür-hûn

Gam mı bize Monlâ gibi bir şâha kul olduk

İtmez mi dü ‘âlemde bizi lutf ile memnûn

Son Yazılar