Görsek ol gonca-lebi çâk-ı girîbân iderüz

Görsek ol gonca-lebi çâk-ı girîbân iderüz

Gül yüzüñ yâdına bülbül gibi efgân iderüz

Haste dil kapuña varsa n’ola tîmâr ister

Yine bu derde anuñ derdine dermân iderüz

Mihrüñ ey hüsn[i] bedî‘3 ü leb-i lâ‘li şîrîn

Kıssa-i Hamza gibi ‘âleme destân iderüz

Kâmetüñ şevki ‘alem-veş ne kadar olsa ‘ıyân

Dilde râz-ı dehenüñ sırrını pinhân iderüz

‘Avnîyâ gerçi ölüm dünyede müşkil işdür

Gamze-i dilber ile biz anı âsân iderüz