Görse hüsnün olur elbette her âdem âşık

Nice olmasın o mehpâreye âlem âşık

Kahramân gamze-i fettânına meftûn u esîr

Çeşm-i câdû-yı sihirsâzına Rüstem âşık

Söyleşir gamze-i fettân ile rindâne yine

Ne kadar olsa gam-ı aşk ile sersem âşık

Iztırâb-ı dil-i bîtâb anı râhat kor mu

Gamze katl eylese durmaz yine epsem âşık

Zevk-i vuslatda hakîkatte bilinmez elhak

Cân fedâ etmeyecek yâre mukaddem âşık

Güft ü gûy-ı nigehin dil nice idrâk eyler

Az çok olmasa ger gamzeye mahrem âşık

Ehl-i dil bâde vü dilbersiz olur mu bir dem

O da Nefî gibi hem şâir ola hem âşık

Son Yazılar