Gören izârını hatt-ı siyâh-tâb içre

Nühüfte berk-i gül-i ter sanır kitâb içre

Uyutdu nâz ile müjgânın eyleyüp derhem

Nigâh-ı mestini semmûr-ı câme-hâb içre

Şarâb-ı saf kadar keyf verdi ey mutrıb

Hurûş-ı nağme-i ter kâse-i rebâb içre

Bulur mu hiç dil-i serd ehli rûşenî-i güher

Kalır mı kıymeti buz olsa laʿl-i nâb içre

Olur mu dil-şikenan hiç hatardan âsûde

Nühüftedir taʿabın lafzı da itâb içre

Çü bûy-ı gonca hezâr-âşinâlığı terket

Misâl-i reng nihân ol gül-i hızâb içre

Nedîm çâre ne âsâyiş-i dil oldu rehîn

Misâl-i gûdek-i gehvâre ıztırâb içre

Son Yazılar