Gönüller bend ider sihr ile efsûn-sâzdur çeşmün

Kamu dil baglayanlardan şehâ mümtâzdur çeşmün

Müje nâveklerin dâ'im atar `uşşâk-ı nâlâna

Birin yire düşürmez şöyle tîr-endâzdur çeşmün

Görenler çeşm-i mestün didi zîr-i ebruvânunda

Per açmış mürg-i dil saydına bir şeh-bâzdur çeşmün

Tuyulmaz sanma mey nûş eyleyüp agyâr ile câna

Bilürsin fâş ider dünyâlara gammâzdur çeşmün

Nice meyl eyleye Yahyâ'yile nûş-ı mey-i telhi

Şehâ çün dâ`imâ mest-i şarâb-ı nâzdur çeşmün

Son Yazılar