Gönül mir'âti kim sad-pâre-i dest-i celâlündür
- Enes
- 5 Ara 2019
- 1 dakikada okunur
Gönül mir'âti kim sad-pâre-i dest-i celâlündür
Yine her pâresine cilve-ger baksan cemâlündür
Cemâl-i bâ-kemâlündür sevâd-ı çeşmünün nûrı
Süveydâ-yı dili `aşk ehlinün sevdâ-yı hâlündür
Hayâlünde eger eglenmeyeydi hâl müşkildi
Belâ küncinde kim eglencemüz cânâ hayâlündür
Kosan ârâm itmez kürsî-i zerrîn-i hurşîde
Mahabbet reh-güzârında gönül kim pây-mâlündür
Ser-i ehl-i mecâz olan belâ-keş Kays'un ahvâli
Hakîkatde nazar olunsa Yahyâ hasb-i hâlündür
Comentários