Gönül açılmaz irişmez derûna râhat-ı rûh

Gönül açılmaz irişmez derûna râhat-ı rûh

Seherde lâle gibi içmeyince câm-ı sabûh

Bahâr irişse olur her şükûfe bir miftâh

Kilîd-i `işreti gülşende kılmaga meftûh

Yudum elümi şarâb-ı mecâzîden tevbe

Be-hakk-ı câm-ı hakîkat be-hak-ı rûh-ı nasûh

Olursa tîg-i firâkıyla şerha şerha tenüm

Nigâra derd-i derûnum olup durur meşrûh

Tenine yâre urup tîg-i hicr ile Yahyâ

Şehâ ölümlük olaldan rakîb olur mecrûh