Gâhî gülşende salınsan serv-i ranâlar gibi

Hû çeker bülbülleri uşşâk-ı şeydâlar gibi

Kâkülün de çıktı baştan fikr-i dûrâdûr eder

Pâyına yüz sürmeğe zülf-i semensâlar gibi

Nakd-ı cân u dil mi kor Tâtâr-ı gamzen kimsede

Böyle kalırsa eğer dünyâyı yağmâlar gibi

Nûş ederler câm-ı nâzı birbirinin aşkına

İki çeşmin iki mest-i bâde peymâlar gibi

Değme sözde yoktur ey Nefî bu lezzet bilmiş ol

Zehri şîrîn kâm ederse nola helvâlar gibi

Kand-i nazm-ı pâdişâh ola meğer bundan lezîz

Medhini etsem nola tûtî-i gûyâlar gibi

Şeh Murâd Hân ki dil ü dest-i kerîmi dembedem

Dürr ü gevher bezl eder dünyâya deryâlar gibi

Son Yazılar