Gider keyf-i şarâbın zevki böyle yâda gelmez mi

Meğer hîç mevsim-i gül devr-i câm-ı bâde gelmez mi

Nolur yâ ıyd u nevrûz erse yine âlemin hâli

Bu günler câm-ı mey gam define imdâda gelmez mi

Harâb oldu yıkıldı kalb-i âşık gibi meyhâne

Harâbât ehli bilmem noldu kimse dâda gelmez mi

Görüp çarhın bu zulmün derd ile def sîne döğmez mi

Kadeh kan ağlamaz mı çeng ü ney feryâda gelmez mi

Nice ülfet tutarsın zühd ile bilmem sen ey Nefî

İçip mest olduğun hîç hâtır-ı nâşâda gelmez mi

Son Yazılar