Geçüp gitmekde ömrüm derd ü mihnet gibi şeylerle

Müşerref olmadı kasr-ı emel ferhunde-peylerle

Figân u nâleler etmekde her dem bağrı yanıklar

Bu bezm-i mihnete revnak verilmiş sanki neylerle

Felek câm-ı neşâtın telh eder Cemşîd-i vakt olsa

İlâc olmaz humâr-âlûde-i idbâra meylerle

Ferah bîgâne resmin gösterirse etmem istibʿâd

Gönül me'nûs-ı ahzan oldu derd-i tâ-be-keylerle

Görünmez bir belâdır aşk-ı hûbân-ı cihân şimdi

Nedîmâ kıl hazer germ-ülfet olma bizden eylerle

Son Yazılar