Gerçi olur câma ol mahbûb-ı zîbâ teşne-leb
- Enes
- 4 Ara 2019
- 1 dakikada okunur
Gerçi olur câma ol mahbûb-ı zîbâ teşne-leb
La`line olmaz mı sâkî câm-ı sahbâ teşne-leb
Sâye-endâz ol leb-i cûya gel ey nahl-i revân
Pâyuna yüz sürmege âb-ı musaffâ teşne-leb
Işiginde mâh-ı nev de feyz umâr gördüm bu şeb
Hâsılı ol şâhun ihsânına dünyâ teşne-leb
Bu ne istignâ olur ey pâdişâh-ı bî-niyâz
Hûn-ı ahbâba adû kanmış ehibbâ teşne-leb
Ebr-i cûda muntazır ancak dil-i Yahyâ degül
Pür harâret deşt-i hasret içre deryâ teşne-leb
Comments