Gerçek mürîd gerçek eriñ bir katresin bahre sayar

Gerçek mürîd gerçek eriñ bir ḳatresin baḥre ṣayar

Nâḳıṣ olan nefse uyar sükkerini zehre ṣayar

Kendü bilisinde ḳalan ‘ilm-i ledün bilmeyiser

Mürşidine egri baḳan luṭfını hem ḳahra ṣayar

Ḥaḳḳa yaḳın olan kişi çoḳ bilür ellerden işi

Münkir olan evliyânıñ kerâmetin siḥre ṣayar

Gerçek ‘âşıḳ olan kişi meydâna ḳor cân u başı

Budur yâr seveniñ işi her ne gelse faḫra ṣayar

Âḫir zamân dervîşine aldanma sen Ümmî Sinân

Küfrüñ imân bilür ṣanma îmânıñı küfre ṣayar