Gerden-i sâfı beyâz öyle ki kâfûr gibi

Gerden-i sâfı beyâz öyle ki kâfûr gibi

Çeşm ü ebrûsu siyâh öyle ki semmûr gibi

Şuʿle-i hüsnüne gözler kamaşır bakdıkca

Gâh u bîgâh gelüp şöyle dura nûr gibi

Cism-i pâkin dediler hem ter imiş hem berrak

Tepeden tırnağa dek gül gibi billûr gibi

Nigehin böyle neden hastadır ey şûh senin

Gözlerin bezm-i ezelden beri mahmûr gibi

Sû-yı zanneyleyemem gayrilere ammâ kim

Derd-ı aşkınla Nedîmâ hele rencûr gibi