Gelür mi yine gönül bâgına bahâr-ı ferah

Gelür mi yine gönül bâgına bahâr-ı ferah

Virür mi bir dahı nahl-ı murâd bâr-ı ferah

Geçer mi hicr güni vasl gicesi irişüp

Şeb-i gam âhir olur mı irüp nehâr-ı ferah

Tagıtdı gülşen-i âmâli tünd-bâd-ı sitem

Dirîg ömr gibi geçdi rûzgâr-ı ferah

Kalur çemende gider cân bu resme pejmürde

Bu sebzezârda akmazsa cûy-bâr-ı ferah

Mekân-ı gussa mahall-i sitemdür ey Yahyâ

Bu tengnâ-yı gamı sanma ola dâr-ı ferah