Gelmede bezm-i meye eglenme hem-demlik budur

Gelmede bezm-i meye eglenme hem-demlik budur

Cümleden evvel müşerref eyle âdemlik budur

Pür gerekdür sâgar-ı işkeste câm-ı zer-nişân

Meşreb-i ehl-i fenâda ey gönül Cemlik budur

Çekmezin dünyâ gamın bir hâlete irgürdi aşk

Bâ`is-i şâdî olur gam işte bî-gamlık budur

Hânkâhda baş döner mey-hâneler içre ayâg

Farkını fehm eylemez abdâl sersemlik budur

Hasm-ı Yahyâ kuvvet-i câhına magrûr olmasun

Merd ise nefsin zebûn itsün ki Rüstemlik budur