Gel gör ahı dôst bâġınıñ handânıyam handânıyam

Gel gör aḫı dôst bâġınıñ ḫandânıyam ḫandânıyam

Gitmek dilerseñ ol iliñ burhânıyam burhânıyam

Dilimdedür ẕikr ü adı ḳalbimdedür fikr ü dâdı

Varlıġım ol maḥv eyledi ‘ummânıyam ‘ummânıyam

Ṣâ’im ḳâ’im ne maḳṣûdum ay gün degüldür ma‘bûdum

Ne şemsîyem ne ḳamerî sübḥânıyam sübḥânıyam

Aşḳına baġlıdur başım ‘aşḳdur dâ’imâ yoldaşım

Aşḳ-ıla ben dü cihânıñ sulṭânıyam sulṭânıyam

Er yüzinden irdüm aña pîr yüzinden gördüm anı

Dâ’im şükür ben ol dôstuñ mihmânıyam mihmânıyam

Ben irişince ol Ḫâna küllî varum oldı fenâ

İsmâ‘îlem ḳıydum câna ḳurbânıyam ḳurbânıyam

Nûr-ı maḥabbetden ezel ṣundı bize ol Lâ-yezâl

Gelsün bugün dertlüleriñ dermânıyam dermânıyam

Lâ diyenler güftârıma irmez benüm esrârıma

Ol Vâḥid ü Ferd ü Aḥad raḥmânıyam raḥmânıyam

Ümmî Sinân eydür inan gel sözüme ṭutma gümân

Şimdi zamân içinde ben devrânıyam devrânıyam