Gel ey sûfî çıkar sofi kıl insâf

Ko sûret düzmeği içini kıl sâf

Riyâ ile bu ömr-i nâzenîni

Nice bir sarf edip edersin isrâf

Kuru da'vâ mı sandın sen bu ilmi

Bu yola böyle mi gitdiler eşrâf

Dahi kâmilliğin bu mu nîşânı

Sana dervîş ola etrâf ü eknâf

Değil va'llâhi mürşidlik bu resme

Kemâl ehline yakışmaz bu evsâf

Arıt pâk eyle kalbin eyle hâlis

Beğenmez böyle kalbi anla sarrâf

Hakîkat kârbânına uya gör

Kati rûşen yola gider ol esnâf

Fenâ Kâf'ından aşar yolları hep

Bekâ Ankâ'sına olurlar ezyâf

Bu yolu cümleden a'lâ tutarlar

Sarây-ı vahdete erişen eslâf

Hurûfa bakma andan içeri bak

Nefesdir cân değildir nûn ile kâf

Nefes bahrinde lâl olmuş Niyâzî

Sadâ vü harf içinde olan urur lâf

Son Yazılar