Gazâl-ı mihr-i felek dâğdârım oldu bu gün

Gazâl-ı mihr-i felek dâğdârım oldu bu gün

Ki böyle sürmeli âhû şikârım oldu bu gün

Piyâle çekmeden evvel o çeşm-i mahmûrun

Nigâh-ı mesti ilâc-ı humârım oldu bu gün

Hırâm-ı nâz ile hoş hoş gelüp o meh-pâre

Telâfi-i elem-i intizârım oldu bu gün

Sabâdan evvel açup göğsün ohşadım zülfün

Benim de bir anacak rûzgârım oldu bu gün

Göründü sebz hat-ı nev-demîde-i ruh-ı yâr

Nedîm-i sebze-i bâğ-ı bahârım oldu bu gün