Gamzeñ hadengi n’eyledi ben bî-günâhı gör

Gamzeñ hadengi n’eyledi ben bî-günâhı gör

Ne fitne itdi baña bu zülf-i siyâhı gör

Göñül esîr oldı zenahdânuña senüñ

Kayda bulundı anuñ-ıçun sen bu çâhı gör

Mâh-ıladur hisâbı kamunuñ velî yüzüñ

Bir zerrece hisâba getürdi mi mâhı gör

Bir yılcadur tapuñdan ırah bir dem üstüme

Ne dürlü mihnet-ile geçer sâl u mâhı gör

Âhum-durur yüzümi yire düşüren benüm

Bu tünde-bâd nice sordı bu kâhı gör

Vâlih yüzüñe zühre vü hûrşîd ü müşterî

N’itmiş senün cemâlüne sunc -ı İlâhı gör

Sinüñ gedâyuñ oldugı-çun kendüye Ahmedî

Muhtâc nice eyledi her pâdişâhı gör