Gamzeñ hadengi cânumı dil-rîş idip-durur

Gamzeñ hadengi cânumı dil-rîş idip-durur

Zülfüñ hevâsı aklumı bî-hwîş idip-durur

Derd ü belâya ışk tüvân-ger kılup beni

Sabr u karârdan katı dervîş idip-durur

Akl-ıla cân u göñlümi fettân gözüñ alup

Cevr ü cefâ vü renci baña iş idip-durur

Kurbânuñ oldug-ıçuñ ider cânuma cefâ

Gamzeñ ki zulmı kendüzine iş idip-durur

Göz kara itdi kirpügüñ içmege kanını

Bu yüregüm ki gamzeñ anı rîş idip-durur

Bu ömr nûşı ki anuñ-ıla oldı zinde cân

Ayrulıguñ belâsı baña nîş idip-durur

Ne sihr ider gözüñ ki olur ışkı bîş-ter

Niçe ki Ahmedîye cefâ-bîş idip durur