Gamzesi mahmûr u çeşmi nîm mest-i hâb-ı nâz

Gamzesi mahmûr u çeşmi nîm mest-i hâb-ı nâz

Biribirine nezâketle eder işrâb-ı nâz

Katl-i uşşâk etmeden âr eylemezdi gamzesi

Olmasa şemşîr-i istiğnâsı ger şâdâb-ı nâz

Bir nigehle Kahramânı katl eder Rüstem gibi

Baksan ammâ çeşmine bir hasta-i bîtâb-ı nâz

Her nigâhı bir belâ-yı nâgehânîdir dile

Gayrı dilberler gibi lâzım değil esbâb-ı nâz

Kime şekvâ eylesin bîçâre Nefî neylesin

Gamzesi mahmûr u çeşmi nîm mest-i hâb-ı nâz