Gamzen ne kadar olsa niyâz etmeğe bâis

Gamzen ne kadar olsa niyâz etmeğe bâis

Âhım olur ol mertebe nâz etmeğe bâis

Allâh için ey âh dolaş zülfüne durma

Ol silsile-i aşkı dırâz etmeğe bâis

Zevki budur âlem-i aşkın ki hevâsı

Olur dili pür sûz u güdâz etmeğe bâis

Rind isen eğer âlem-i vahdet gibi olmaz

Def-i gam-ı tahkîk ü mecâz etmeğe bâis

Nefî gibi gamzen de sana cân ile âşık

Budur dili hep mahrem-i râz etmeğe bâis

Nef'î