Gamzeler ikbâl u şevka günde bin efsûn okur

Nikbet-i endûha hattın tebbet-i vârûn okur

Kâmetin kûteh sanırlar ayb-bînân-ı heves

Nâ-sühanver mısraʿ-ı mevzûnu nâ-mevzûn okur

Pîş-i ebrûsunda gûyâ kim o gûyâ çeşm-i şûh

Bir hicâzî tıfl ki dil-keş-edâdır nûn okur

Bilmez âyîn-i şifâ-yı derd-i âşık n'iydügün

Bî-haber durmuş tabîb Enmûzec ü Kânûn okur

Vâʿiz-i çeşm-i gürisne piç ü tâb-ı cûʿ ile

Mevsim-i iftârda ve't-tîni ve'z-zeytûn okur

İki üç harf ile peydâdır Nedîmâ râz-ı aşk

Kim onu nâkıs nazarlar geh çirâ geh çün okur

Nedîm

Son Yazılar