Gamze-i dil-ber ki çeşm-i mestine nâz ögredür

Gamze-i dil-ber ki çeşm-i mestine nâz ögredür

Sanki bir sayyâd-ı mâhirdür ki şeh-bâz ögredür

Gonce tıflı bülbülün feryâdına gülse nola

Dâye-i ebr-i bahârî anı tannâz ögredür

Mutrıb-ı bezm-i bahârî gülden idüp dâ'ire

Andelîbe her seher her şeb ser-âgâz ögredür

Itdürür `aşkun dile zülfünden ebr-i dili hayâl

Pehlevândur kim terâzû ile cân-bâz ögredür

Câna te'sîr itdi Yahyâ ol cevânun nagmesi

Korkarın kim anı bir nâ-sâz nâ-sâz ögredür