Gamze-i cellâdı yâriñ hançer-i ‘uryânıdır

Gamze-i cellâdı yâriñ hançer-i ‘uryânıdır

Cânıma kasd eyleyen hep nâvek-i müjgânıdır

Âşıkân ol meh-cemâliñ vâlih ü hayrânıdır

Gülşen-i hüsnüñ bu göñlüm bülbül-i nâlânıdır

Âşık-ı ser-mest ile nûş eyle câm-ı mülleri

Tagıdup gül rûyuña sünbül gibi kâkülleri

Şevk-i rûyuñla nola tard eylesem bülbülleri

Gülşen-i hüsnüñ bu göñlüm bülbül-i nâlânıdır

Ben gedâ-yı kûyuña rahm eyle ey şâh-ı cihân

Âşık-ı bî-çârelerden eyleme rûyuñ nihân

Gülsitân-ı rûyuña elbetde lâzım bâg-bân

Gülşen-i hüsnüñ bu göñlüm bülbül-i nâlânıdır

Bezmimiz bîgâneden hâlî olup gitse rakîb

Yâreme bahş itse bir dem merhem-i vaslın tabîb

Şimdi tuydum rûyuña Leylâ da olmuş ‘andelîb

Gülşen-i hüsnüñ bu göñlüm bülbül-i nâlânıdır