Gamundan her kaçan kim nâle vü feryâd ider âşık

Hayâl eyler gögi âlemleri berbâd ider âşık

Firâkun günlerinde gussadan ölmek mukarrerdi

Velî rûz-ı visâl-i rûh-bahşun yâd ider` âşık

Ferahdan incinür şâdîlig el virse safâ sürmez

Muhassal kendisin derd ü gama mu`tâd ider âşık

Gel ey `âşık geçen yâre cefâ itme men-i zâre

Felek bir gün sakın kim sana da bî-dâd ider âşık

Idüp Yahyâ gibi kayd-ı cihândan kendisin âzâd

Olup âlemde bî-nâm u nişân bir ad ider âşık

Son Yazılar