Fırka-i erbâb-ı dilden zümre-i zühhâda dek

Fırka-i erbâb-ı dilden zümre-i zühhâda dek

Hep esîrindir begim hatta dil-i nâ-şâda dek

Şöyle mest olmuş ki açılmış girîbân-ı kabâ

Nâfdan tâ bendgâh-ı hançer-i fûlâda dek

Mâ-melek şeyhim bütün hammâra rehn olmuş gibi

Delk-ı peşminden müzehheb nüsha-i evrâda dek

Göksu bir nâ-hoş havâ şimdi Çubuklu pek zihâm

Sevdigim tenhâca çekdirsek mi Saʿd-âbâda dek

Şöyledir kaht-ı tahammül sîne-i tengimde kim

Yetmez olmuşdur nefes bir âteşin feryâda dek

Kilk-i ayyârın aceb nâ-refte râh açdı Nedîm

Hâne-i endîşeden gül-zâr-ı istiʿdâda dek