Fitneye âgâz idelden gamze-i câdûlaruñ

Fitneye âgâz idelden gamze-i câdûlaruñ

Geh görinür gâh görinmez hilâl ebrûlaruñ

Bakmasa yıllarca Nâhîdüñ yüzine gam yimez

Ayda bir kez hâl-i ruhsârın gören meh-rûlaruñ

Yüzleri böyle kararmazdı eger ey mâh-rû

Âfitâba tapmayaydı turra-i hindûlaruñ

Hurrem olsa gam degül eşk-i revânum görse yâr

Âdeti tefrîh-i rûh itmekdür akar sularuñ

Hurdeler geçmişdurur dendânuñ evsâfında kim

Hâme-i Bâkî delüpdür bagrını lü’ lûlaruñ