Firkat şebi âhum ki ola meş`ale-efrûz

Firkat şebi âhum ki ola meş`ale-efrûz

Korkum budur ednâ şereri ola cihân-sûz

Tîr-i müjen ucında görüp katre-i eşki

Üstâd işidür bildüm o peykân-ı ciger-dûz

Tûtî nice söylerdi bu şîrîn kelimâtı

Olmasa zebânun ana cânâ suhan-âmûz

Şâm eyledi çün gündüzümüz zulmet-i hicrân

Ey şu`le-i âhum giceyi eyleyelüm rûz

Yahyâ'yı şeb-i hicr ile bir rûz-ı visâlün

Bir hâlete irmiş ki anun her güni nev-rûz