Fikr-i ruhun ki dîdeden eşküm revân ider

Fikr-i ruhun ki dîdeden eşküm revân ider

Bâg-ı hayâli bir suyı çok gülsitân ider

Her yiri hûb olan güzelün nâzı çog olur

Esbâb-ı hüsn sâhibini kâm-rân ider

Aşık ne denlü olsa da bî-nâm ü bî-nişân

Bir nâm ider hadengine dil-ber nişân ider

Dil-ber odur ki hüsn ü bahâ kıymetin bile

Ol hâce-i cemâl sakınsun ziyân ider

Yahyâ o mâha ta`nı ko nâ-mihribân diyü

Te`sîr-i aşk bir gün anı mihribân ider