Feryâduma ol kâmeti şimşâd yitişmez

Feryâduma ol kâmeti şimşâd yitişmez

Beñzer ki anuñ gûşına feryâd yitişmez

Ser-menzile ‘ uşşâk irişür cümleden evvel

Ol mertebeye sa’ y ile zühhâd yitişmez

Âhumdan öñürdi yitişür kapuña eşküm

Germiyyet ile şöyle gider bâd yitişmez

Yollarda kalur râh-rev-i Ka’ be-i vasluñ

Ömr âhir olur mevt irişür zâd yitişmez

Bu arsada Bâkî nice üstâda yitişdi

Âlemde bu gün aña bir üstâd yitişmez