Felekte misli yok bir mâh-ı mihrefrûzumuz vardır

Güzel sevmekte elhak tâli-i fîrûzumuz vardır

Takınsın dilrübâlar gamzelerden tîg-i âşıkküş

Bizim de âhımızdan nâvek-i dildûzumuz vardır

Nola seyl-i sirişk-i çeşm-i giryân durmayıp aksa

Söyünmez sînede bir âteş-i cânsûzumuz vardır

Günü günden yig olsun rûzedârân-ı gam-ı aşkın

Demezler ki bizim de ıydımız nevrûzumuz vardır

Acep mi bûriyâbâfân-ı nazma kılmasak rağbet

Bizim Nefî gibi bir şâir-i zerdûzumuz vardır

Nef'î

Son Yazılar