Fazlıyla insân eyledi

El-hamdüli'llâhi'1-Kerîm

Envâ'-ı ihsân eyledi

Eş-şükrü li'llâhi'r-Rahîm

Ol Kâdir ü Hayy u Vedûd

Âlemlere verdi vücûd

Etdi zuhûr âsâr-ı cûd

Eş-şükrü li'llâhi'r-Rahîm

Cem' olsa ger Rûm ü Arab

Add olmağa in'âm-ı Rab

İhsâya kâbil mi aceb

Eş-şükrü li'llâhi'l- Kerîm

Durma hemân zikr ede gör

İhsânını fikr ede gör

İn'âmına şükr ede gör

Eş-şükrü li'llâhi'r-Rahîm

Ol Hâlik-ı kevn ü mekân

Kulların eyler imtihân

Şükr et Hüdâyî her zamân

Eş-şükrü li'llâhi'r-Rahîm

Son Yazılar