Eyâ cân issi cân saña mufahhar

Eyâ cân issi cân saña mufaḫḫar

Mufaḫḫardur mufaḫḫardur mufaḫḫar

Senüñ fikriñle olmuşdur musaḫḫar

Musaḫḫardur musaḫḫardur musaḫḫar

Şehâ derdiñden ayrılmaḳ be-ġâyet

Mükedderdür mükedderdür mükedder

Didüm vaṣlıñdan ayırma didigüm

Müdebberdür müdebberdür müdebber

Seni her kim sever geçmek varından

Muḳarrerdür muḳarrerdür muḳarrer

Saña cân dil vireli dü cihândan

Muṭahhardur muṭahhardur muṭahhar

Viṣâliñ şerbetin cân nûş idelden

Müsekkerdür müsekkerdür müsekker

Cemâliñ pertevinden iki ‘âlem

Münevverdür münevverdür münevver

Eger vechiñdeki beñden ṣorarsañ

Müdevverdür müdevverdür müdevver

İki boynuñdaġı zülf-i siyâhıñ

Berâberdür berâberdür berâber

Viṣâliñ vaṣfı şerḥinde zebânım

Muḳaṣṣardur muḳaṣṣardur muḳaṣṣar

Bi-ḥamdi’llâh vefâñuz ben ġaribe

Müyesserdür müyesserdür müyesser

Dil ü cân bûy-ı vaṣlıñ ni‘metinden

Mu‘aṭṭardur mu‘aṭṭardur mu‘aṭṭar

Saña mir’ât-ı ekber câna cânân

Peyamberdür Peyamberdür Peyamber

Teberrük cânın al Ümmî Sinânıñ

Ḳalenderdür ḳalenderdür ḳalender