Eyledi bir iki peymâneyle ser-gerdan bizi

Eyledi bir iki peymâneyle ser-gerdan bizi

Âh o sahbâ satıcı akl alıcı kâfir kızı

Sînesi destindeki peymâneden berrâk u sâf

Ruhları destîdeki sahbâ-yı terden kırmızı

Germ olup oğlun bize bir bûse ikrâr eylemiş

Dün kızın da çiğnedi ey pîr-i mey ol sakızı

Hâne tenhâ elde sahbâ kelle germ ü yâr nerm

Âh ey sabr u tahammül baʿd-ezin yâhû sizi

Var mıdır bilmem Nedîmâ bir dahı onun gibi

Dîn ü dil hasmı riyâ cellâdı takvâ hırsızı