Ey zülf-i ham-ender-ham-ı kullâb-ı mahabbet

Ey zülf-i ham-ender-ham-ı kullâb-ı mahabbet

Hep sana çekildi dil-i erbâb-ı mahabbet

Dil-berse güzel dilse nihâyetde hevâyî

Hâsıl bu ki âmâdedür esbâb-ı mahabbet

Bir bahr imiş ey `âşık-ı şeydâ dil-i zârun

Anda bulunurmuş dür-i nâ-yâb-ı mahabbet

Yan âteşe pervâneveş itme yine efgân

Ey `âşık-ı miskîn budur âdâb-ı mahabbet

Yahyâ harem-i `aşka girerse nola bî-bâk

Meftûhdur erbâb-ı dile bâb-ı mahabbet