Ey sabâ dil rahtın ol gîsûy-ı müşgîn-târe çek

Ey sabâ dil rahtın ol gîsûy-ı müşgîn-târe çek

Âşık-ı dîvâneyi zencîr-i zülf-i yâre çek

Ola kim bir pâre yaşın diñdürüp kanın kese

Hâk-pâyuñ tütiyâsın dîde-i hûnbâre çek

Câm-ı gül-gûn al ele nûş eyle bî-pervâ bu gün

Kuvvet-i bâzûñ ile bir dil-ber-i meh-pâre çek

Dür dişi vasfında ey dil bagla bir ‘ ıkd-ı güher

Lü’ lû-yı lâlâ-yı nazmuñ rişte-i efkâre çek

Sîne bir eglenceden hâlî gerekmez Bâkıyâ

Yâre sen kâdir degülsin bârî miskîn yara çek